మనిషిని ఇంగ్లీషులో MAN అంటారు. "M" అనగా మనస్సు మాయ. దీనిని వశపరుచుకోవాలి. "A" అనగా ఆత్మతత్త్వం. దీనిని అర్ధముచేసుకోవాలి. అప్పుడే "N" అనగా నిర్వాణం చేకూరుతుంది. ఈ నిర్వాణం కోసమేబుద్ధుడు అనేక సాధనలు జరిపాడు. సర్వం మానవుని యందే ఉన్నాయి. మానవుడు యీ విషయాన్ని మరచిపోయాడు. మానవతా విలువలు పోగొట్టుకున్నాడు. (దే.యు.పు. 7) “మనో మూలం ఇదం జగత్" మనసు లేనిది ఎక్కడ కూడను కానరాదు. ఇట్టి మనసును కలిగినవాడు కనుకనే ఇతనికి మనుష్యుడు అని పేరు వచ్చింది. యద్భావం తద్భవతి అని. ఈ మనుష్యుని భావములు ఎట్టివో దాని ఫలితములు అట్టివిగానే ఉంటాయి. దీనినే ఆంగ్ల భాష యందు So thinketh the man, so the man అన్నారు. (బృత్ర.పు.69) (చూ॥ శీలము)